Еден месец по страшната експлозија што се случи на пристаништето во гланвито град на Либан, Бејрут, повторно избувна пожар.
Продавница за нафта и гуми се запали денеска во Бејрут, и засега нема информации за повредени во инцидентот.
Пожарот изби во бесцаринската зона на пристаништето, а потоа огромен столб од црн чад се издигна над главниот град на Либан, чии граѓани сè уште се трауматизирани поради експлозијата на 4 август, во која загинаа околу 190 лица, а околу 6 000 беа повредени.
Војската соопшти дека сè уште не е позната причината за пожарот, наведувајќи дека испратила хеликоптери за да го стават огнот под контрола.
Шефот на либанскиот Црвен крст рече дека засега нема опасност од нова експлозија по пожарот и дека нема повредени.
Тој, сепак, истакна дека некои луѓе кои биле во близина на пожарот имале потешкотии при дишењето.