Во близина на граничниот премин Ќафасан синоќа било приведено лице, албански државјанин, кај кого се пронајдени 16 пакувања марихуана со вкупна нето тежина од повеќе од 15 килограми, соопшти МВР.
„Околу 20:30 часот, вчера полициски службеници од Бирото за јавна безбедност – Оддел за сузбивање на организиран и сериозен криминал, Единица за недозволена трговија со дрога во соработка со Оддел за специјални полициски операции и СВР Охрид, на подрачје на Струга, во непосредна близина на магистралниот пат А2 – Е852 (на околу два километри од ГП Ќафасан) пресекоа канал за недозволена трговија со марихуана од Р.Албанија во Република С Македонија и запленија 16 пакувања со вкупна нето тежина од повеќе од 15 килограми, а го приведоа Е.Х. (20) од Република Албанија“,
информираат од МВР.
Против Е.Х. ќе биде поденесна кривична пријава за сторено кривично дело неовластено производство и пуштање во промет наркотични дроги, психотропни супстанции и прекурсори по член 215 ст.3 од Кривичниот законик и во текот на денешниот ден ќе биде изнесен пред судија на претходна постапка.
Од Министерството за внатрешни работи информираат дека продолжуваат со засилени мерки и активности за сузбивање на недозволената трговија со наркотични дроги.