Меѓународната заедница ги осуди нападите што денеска се случија во Кабул – Бајден на итен состанок со службите за безбедност
Генералниот секретар на НАТО, Јенс Столтенберг вели дека приоритет останува евакуацијата на луѓето
Две силни експлозии одекнаа во близина на меѓународниот аеродром во Кабул од кои десетина лица се загинати, а повеќе лица се повредени. Според светските медиуми првата експлозија се случија на еден од влезот на аеродромот, а втората пред хотелот „Барон“.
Би- би-си пренесува изјава на талибански претставник, кој тврдел дека најмалку 11 лица загинале во нападот на аеродромот во Кабул и дека се ранети жени и деца, како и голем број талибански чувари.Сепак, како што пренесува, Би-би-си, нема официјална потврда за ваквите информации. Би-Би-Си јавува и дека дека кај влезот на аеродромот се сместени британските воени сили. Станува за збор за еден од трите влеза во аеродромот, кои претходно денеска беа затворени поради опасност од терористички напад.
Авганистанскиот новинар Билал Сарвари објави дека нападот на аеродромот се случил во областа каде на авганистанските бегалци им се проверуваат документите. Според него, прво бомбаш-самоубиец влегол во толпата и активирал експлозивна направа, а потоа неговиот соучесник почнал да пука во луѓето.
Sewage canal where Afghans were vetted after their documents was packed with Afghans including women and children. A suicide attacker blew himself up in the middle of a large crowd. At least another attacker started shooting, multiple eye witnesses in the area&a friend tells me. pic.twitter.com/1MHuLOZnDl
— BILAL SARWARY (@bsarwary) August 26, 2021
Снимката што ја пренесе Скај њуз, пак покажува амбулантни возила што превезуваат луѓе повредени во експлозиите.
"I can't see anything for my future here."
— Sky News (@SkyNews) August 26, 2021
Shaun, who was an eyewitness to an explosion near Kabul airport today, says many Afghans are afraid of what the future may hold for them following the Taliban's takeover of the country.
Latest: https://t.co/cSfKxiXS4z pic.twitter.com/qIhjLCY3NF
Сведок на нападот на аеродромот за Ројтерс изјави дека експлозијата била исклучително силна.
„Бевме таму и одеднаш дојде до експлозија. Ги носевме ранетите со носилки, мојата облека е целосно крвава“,
заклучи тој.
Бајден на итен состанок со тимот за национална безбедност
Американскиот претседател Џозеф Бајден денеска одржа итен состанок со тимот за национална безбедност.
„Претседателот се состана со тимот за национална безбедност, на кој присуствуваше и секретарот Блинкен. Ќе продолжиме со целосното известување на претседателот за развојот на ситуацијата, така што врз основа на тоа ќе се донесе одлука за акција“,
соопшти Белата куќа.
Пентагон: Американски државјани се повредени во нападот во Кабул
Американски државјани се меѓу повредените во нападот пред аеродромот во Кабул, соопшти портпаролот на Пентагон, Џон Кирби на Твитер.
Тој ја нарече експлозијата што се случи на една од портите на аеродромот како „комплексен напад“. Кирби не даде никакви информации за бројот на загинати или повредени лица.
We can confirm that the explosion at the Abbey Gate was the result of a complex attack that resulted in a number of US & civilian casualties. We can also confirm at least one other explosion at or near the Baron Hotel, a short distance from Abbey Gate. We will continue to update.
— John Kirby (@PentagonPresSec) August 26, 2021
Невладината организација „Итна помош“ претходно на Твитер соопшти дека во нападот загинале најмалку шест лица. Според невладината организација, која раководи со болница таму, досега се примени 60 повредени лица.
Столтенберг: Приоритет е да евакуираме што повеќе луѓе
Генералниот секретар на НАТО, Јенс Столтенберг го осуди ужасниот терористички напад во областа на аеродромот во Кабул, изразувајќи сочувство до сите погодени и нивните најблиски.
„Наш приоритет останува да евакуираме што е можно повеќе луѓе на безбедно, што е можно побрзо“,
напиша Столтенберг на Твитер.
И Фон дер Лајен со осуда за нападот
Претседателката на Европската комисија Урсула фон дер Лајен најостро ги осуди „кукавичките и нечовечки напади на аеродромот во Кабул“.
„Од суштинско значење е да се стори сè за да се осигури безбедноста на луѓето на аеродромот. Меѓународната заедница мора тесно да соработува за да избегне повторно оживување на тероризмот во Авганистан и пошироко“,
напиша фон дер Лајен на Твитер.