Андел Тејлор била заробена во својот автомобил во снежна бура додека се враќала дома од работа во Бафало во петокот попладне. Таа за тоа време споделила серија видеа со нејзините сестри во Северна Каролина. На последното видео, кое било направено нешто по полноќ, се гледа како таа го спушта својот замрзнат прозорец за да го види возилото за итни случаи во близина, кое исто така било заглавено со запалени светла
Повеќе од 60 луѓе загинаа во снежната бура што ги погоди САД, меѓу кои и 22-годишна жена од Бафало, која пред смртта испратила неколку видеа до семејството на кои се гледа како била заробена во својот автомобил најмалку 18 часа пред да биде пронајдена мртва.
Андел Тејлор била заробена во својот автомобил во снежна бура додека се враќала дома од работа во Бафало во петокот попладне. Таа за тоа време споделила серија видеа со своите сестри во Северна Каролина. На последното видео, кое било направено нешто по полноќ, се гледа како таа го спушта својот замрзнат прозорец за да го види возилото за итни случаи во близина, кое исто така било заглавено со запалени светла.
„Таа ѝ кажуваше на сестра ми дека е исплашена“,
изјави една од сестрите, Шанеква Браун, за WSOC-TV.
Нејзиното семејство изјави за медиумите дека верува дека била заробена во автомобилот околу 18 часа пред да биде пронајдена на Бадник.
„Таа се јави на 911 и ги чекаше“, изјави нејзината мајка Ванда Браун Стил за ТВ станицата. „Но, сите што се обидоа да дојдат до неа се заглавија“, додаде другата сестра, Томешиа Браун.
Anndel Taylor, 22, died in her car after being trapped by Buffalo blizzard while driving home from work. She was found after 18 hours. She sent her family this final video from inside the car. pic.twitter.com/w8GBwR9UOm
— Mike Sington (@MikeSington) December 27, 2022
„Пожарникарите, полицијата, сите се заглавени“,
рече таа прашувајќи зошто државата позната по снегот нема возила за итни случаи кои би можеле да работат за време на снежната бура.
Тејлор им кажала на своите сестри во групен разговор дека планирала да поспие малку, а потоа ќе се обидела да стигне на безбедно, ако не ѝ пристигне помош кога ќе се разбуди.
Мајката на Тејлор верува дека нејзината ќерка најверојатно починала од труење со јаглерод моноксид.
„Автомобилот работеше, а снегот сè уште паѓаше, па ги блокираше цевките, издувната цевка. Откако автомобилот застана, таа се замрзна“,
рече таа.