„Генерално, изборите се базираат на различни мислења, приоритети и индивидуални цели. Може да бидат тешки, но кога ќе завршат, императив е да се вратиме на она што еден од нашите најголеми претседатели Абрахам Линколн го нарече: ‘добрите ангели на нашата природа‘. Повторно да се обединиме како народ и да работиме заедно за доброто на граѓаните. Ова сега важи тука, како што ќе важи во САД во ноември. Затоа ви честитам вам и на новата владата и на сите што го правите ова, односно се потпирате на ‘добрите ангели‘“, рече американската амбасадорка во земјава
И најсилните демократии не успеваат сами. Ние сме посилни заедно. САД се подобри, посилни и поблагородни затоа што имаме сојузници, партнери и пријатели како Северна Македонија. Ова вчеравечер го порача американската амбасадорка во државата Ангела Агелер на прославата на 248 години од независноста на САД, одржана во Амбасадата во Скопје.
Пред присутните, Агелер рече дека ѝ е чест да ги претставува САД во земјава, а се осврна и на изборите што неодамна се случија во земјава, како и на тие што ќе се случуваат во Европа и тие што ќе се одржат во САД, а потоа и честиташе на новата влада.
„Генерално, изборите се базираат на различни мислења, приоритети и индивидуални цели. Може да бидат тешки, но кога ќе завршат, императив е да се вратиме на она што еден од нашите најголеми претседатели Абрахам Линколн го нарече ‘добрите ангели на нашата природа‘. Повторно да се обединиме како народ и да работиме заедно за доброто на граѓаните. Ова сега важи тука, како што ќе важи во САД во ноември. Затоа ви честитам вам и на новата владата и на сите што го правите ова, односно се потпирате на ‘добрите ангели‘“,
вели таа.
Во говорот пред присутните на прославата во Скопје, Агелер ја цитираше и добитничката на Нобеловата награда за мир Марија Реса, која, според амбасадорката, имала изјавено дека демократијата е кревка, дека треба да се бориме за секој нејзин дел, за секој закон, за секоја заштита, институција и за секоја сторија.
„Мора да знаете колку е опасно да претрпите дури и најмало ускратување. И денеска нејзините зборови имаат поголемо значење од кога и да е. Секаде околу нас гледаме свет кој се менува. Повеќе гласачи од кога било во историјата имаат право да гласаат во 2024 година во над 90 земји, дури и во време кога војни и конфликти погодуваат милиони низ светот. Сега се потсетив и на тоа дека и најсилните демократии не успеваат сами. САД се посилни кога имаат сојузници и партнери како Северна Македонија“,
рече американската амбасадорка во земјава.
Агелер на Икс напиша дека имала прекрасна прослава по повод 248 години од американската независност со пријатели и партнери во Скопје.
Had a wonderful evening celebrating 248 years of American independence with partners and friends in Skopje tonight. Strong democracies are fortified by friends, Allies, and committed partners like North Macedonia. 🇺🇸🤝🇲🇰 #July4th pic.twitter.com/0UGGGjRtnC
— Ambassador Angela Aggeler (@USAmbNMacedonia) July 2, 2024
„Силните демократии се зајакнати од пријатели, сојузници и посветени партнери како Северна Македонија“,
напиша Агелер.