Новото издание на емисијата „360 степени“ – прво магазинско во новата сезона – се емитува вечерва (21 септември 2023 г.) од 20:15 часот на МРТ 1
Во ова издание донесуваме:
– По интервјуто со лидерот на ДУИ од понеделникот откриваме: Бизнис-партнерот на зетот на Али Ахмети поседува 65 отсто од фирмата што лани свртела 110 милиони евра од увоз на мазут за државните Електрани; Уделот го стекнал за 24 илјади евра;
– Двете габаритни дивоградби на „Пластичарка“ во Скопје не само што не паднаа, туку и добија струја на диво; Уривањето заглавено во сплеткарења меѓу инсититуциите;
– Зошто наместо на трева мечот на македонската фудбалска репрезентација со Италија се играше по кал;
– „Микрофонот е ваш“ пред Клиниката за онкологија – сведочи пациентка што го пријавила аптекарот за злоупотреби со терапијата за тешко болните;
– Дали Емануел Макрон кога зборува за Европа во повеќе брзини мисли на членки на ЕУ од втор ред – интервју со вториот човек во француското МНР, Оливие Бешт;
– „Саботажа“.
Емисијата се емитува на МРТ 1 од 20:15 часот.