Џафери денеска го добил од Владата дополнетиот предлог-буџет, по десетдневна општа и амандманска расправа во Комисијата за финансирање и буџет
В четврток треба да почне собраниската расправа за буџетот за следната 2022 година.
Претседателот на парламентот Талат Џафери денеска го добил од Владата дополнетиот предлог-буџет, по десетдневна општа и амандманска расправа во Комисијата за финансирање и буџет. Од неговиот кабинет соопштија дека Џафери веднаш го дополнил дневниот ред на пленарната седница закажана за 9 декември.
На дневен ред на оваа седница се уште четириесетина предлог-закони, но се очекува точката за буџетот да биде прва и расправата за неа да заврши во рок од пет дена.