Во изминатото деноноќие на територијата на нашата држава на вкупно 318 лица им се издадени решенија за изолација или самоизолација. На 101 лице им се издадени решенија за изолација, а 217 лица потпишале изјава за самоизолација.
Како што соопшти МВР, полицијата, во извршените контроли над лица во изолација и самоизолација, констатирала дека во два различни случаи две лица што биле во самоизолација не се затекнати во својот дом.
Во изминатите 24 часа евидентирано е дека на ниво на целата држава 46 лица не ја почитувале забраната за движење, приведени се 17 лица, а за другите се изготвени записници.