Според коалицијата, за овој скандал министерот за образование Шаќири мора да даде отчет на јавноста, како што велат, да покаже докази зошто го акредитирал Универзитетот на Мерко да има и Медицински факултет, како и, според нив, да посочи дали овој Универзитет има соодветни кабинето за изучување на предметите од медицината, исто како и рамка на академски барања
Универзитететот на струшкиот градоначалник Рамиз Мерко доби бакшиш од министерот за образование Јетон Шаќири – акредитација на Медицински факултет во Струга. Ова денеска преку соопштение информираа од коалицијата „Влен“, посочувајќи дека овој Универзитет е познат, како што велат, како Универзитет на Мерко, но и дека уште е познат, според нив, и по „производство“ на итни дипломи.
„Универзитетот го води Арменд Кадриовски и е познат како Универзитет, каде низ годините, преку ноќ, дипломирале повеќе од половина од функционерите на ДУИ, како и многу членови на семејствата функционери, кои потоа се вработиле на различни работни места“,
се вели во соопштението на „Влен“.
Според коалицијата, за овој скандал министерот за образование Шаќири мора да даде отчет на јавноста, како што велат, да покаже докази зошто го акредитирал Универзитетот на Мерко да има и Медицински факултет, како и, според нив, да посочи дали овој Универзитет има соодветни кабинето за изучување на предметите од медицината, исто како и рамка на академски барања.
„Ова е ДУИ, ова се функционери кои се на ‘црната листа‘ на САД, на кои криминалот им нема граници. Ова дејство на ДУИ, на Али Ахмети и на Рамиз Мерко го докажува фактот дека зеле ите кои стааа фронт се главната причина зошто албанскиот мозок ја напушта земјата и работи во Европа. Зошто кај нас вистинските интелектуалци и професионалци ја напуштаат државата, а Албанците се претставени со незнаење коие ги осиромашува и ги протерува од татковината“,
велат од „Влен“.
Оттаму посочија и дека новата влада ќе ги истражува случаите, како што велат, за продажба на дипломите и функционирањето на Универзитетите како што е, според она што го посочија и Унивезитетот на Мерко.
„Му доаѓа крајот на бизнисот на ДУИ и Мерко кој функционираше во стилот земи ја картичката на ДУИ, купи диплома од Рамиз и работатата ти е сигурна“,
соопштија од оваа коалиција.
Како што денеска објавија дел од медиумите, лиценцата за отварање на Факултет за здравствени науки, Мерко ја побарал уште во април, веднаш по формирањето на техничката влада.
Во образложението на дозволата за формирање на овој факултет, како што пренесуваат дел од медиумите, пишува дека Меѓународниот универзитет Струга ги исполнил условите за формирање на Факултет за здравствени науки.
Според информации од Министерството за образование и наука (МОН), на овој факултет нема да се образуваат доктори, туку ќе се отворат тригодишни студии за медицински сестри.
Инаку, струшкиот градоначалник Рамиз Мерко од лани лето се наоѓа на „црната листа“ на Соединетите Американски Држави (САД) поради вмешаност во значителна корупција.