Унијата на жени на ВМРО-ДПМНЕ го одбележува 13 ноември – Денот на ослободувањето на Скопје под мотото „Слободата не се подарува , се освојува“. Од настан организиран во паркот „Жена-борец“, присутните порачаа дека на овој ден во 1944 година, 426 луѓе го положиле својот живот во Народно ослободителната борба против фашизмот.
„Сакам да напоменам дека околу 500тини луѓе кои учествувале во таа Народно ослободителна борба и го ослободиле Скопје, учествувале околу 100тина жени од кои што 8 загинале и читајќи ги сеќавањата на тие жени кои што учествувале, во сеќавање ми остана еден впечаток на една жена која што учествувала во Народно ослободителната борба за ослободување на Град Скопје која се вика Пенка Кралевска во 2015та некаде имаше една статија во која што објаснуваше дека се чувствувала како најгордата скопјанка бидејќи токму таа го ставила знамето кога го ослободуваат Скопје на врвот на Офицерскиот дом“
порача пратеничката Жаклина Пешевска.
На настанот беше положено цвеќе и беа прочитани имињата на сите кои учествувале и загинале во борбата за ослободувањето на Скопје.