Украинскиот претседател изјави дека Киев добил два противвоздушни системи НАСАМС од САД
Украинскиот претседател Володимир Зеленски изјави дека на многу места долж линијата на фронтот се водат тешки борби со руските сили и оти припадниците на украинската армија постигнале успех на неколку позиции.
„Постигнавме успеси на неколку борбени позиции. Ние се спротивставуваме на окупатпорот на повеќе позиции, во Запорожје и Харков, кај Миколаев, Никопол, Донбас, на сите наши места и региони“,
рече Зеленски во синоќешното видео обраќање до нацијата.
Украинскиот претседател претходно изјави дека Киев добил два противвоздушни системи НАСАМС од САД.
Тоа беше првата потврда дека Украина го добила Националниот напреден ракетен систем земја-воздух (NASAMS), кој Киев долго го бараше и чија испорака беше одобрена од Вашингтон кон крајот на минатиот месец.