Минатата година беа уапсени неколку лица под обвинение за шпионажа, а минатиот месец обвинителството обвини руски државјанин, долгогодишен жител на Полска, за шпионирање за Русија во периодот од 2015 до 2022 година
Двајца функционери од полската влада потврдија за Би-би-си дека група странски државјани се уапсени под сомнение дека шпионирале за Русија. Полското радио РФМ ФМ исто така објави дека полските безбедносни служби разбиле шпионска мрежа што работела за Русија.
Шест лица се уапсени под сомнение дека поставиле тајни камери за снимање на инфраструктурата што се користи за испорака на помош во Украина, соопшти РФМ ФМ. Шпионската ќелија наводно ги подготвила плановите за саботажа. Деценискиот шпионски конфликт меѓу Русија и Западот се интензивираше по почетокот на војната во Украина.
Полска е еден од најсилните сојузници на Украина и нејзините безбедносни сили уапсија неколку лица под сомнение дека шпионирале за Русија од почетокот на инвазијата во февруари минатата година. Според радио станицата, групата поставила десетици камери до железничките јазли и важните сообраќајни правци во полската провинција Подкарпакие, која граничи со Украина.
Според нивните изјави, дел од камерите се пронајдени во близина на мал регионален аеродром кој е претворен во меѓународен логистички центар за испорака на воена и хуманитарна помош за Украина. Воени и товарни авиони од САД и низ Европа редовно летаат во и надвор од аеродромот Жешов-Јасионка за да доставуваат материјали до камионите кои потоа се упатуваат кон границата со Украина.
Местото се смета за толку чувствително што Вашингтон распореди американски системи за воздушна одбрана „Патриот“ за заштита на аеродромот. Американскиот претседател Џо Бајден долета на аеродромот како дел од неговата неодамнешна посета на Киев. РМФ ФМ посочува дека е зголемена безбедноста на местата на критичната инфраструктура.
Се претпоставува дека апсењето го извршиле припадници на полската агенција за внатрешна безбедност (ABW). Полскиот министер за внатрешни работи Мариуш Камински, кој е претпоставен на ABW, утре треба да одржи прес-конференција.
Минатата година беа уапсени неколку лица под обвинение за шпионажа, а минатиот месец обвинителството обвини руски државјанин, долгогодишен жител на Полска, за шпионирање за Русија во периодот од 2015 до 2022 година.