Амбасадорката, како што информираат од Министерството за правда, истакнала дека правната сигурност и квалитетот на правосудството се многу важни за враќање на довербата во правосудниот систем и посочила дека САД ќе продолжат да бидат наш партнер и ќе ја поддржуваат земјата во понатамошните реформи.
Фокусирани сме на одржување на реформското темпо, спроведувањето на законодавната агенда и јанењето на капацитетите на правосудните институции. Независното судство е важен темел на секое демократско општество, а нашето партнерство и соработка со САД придонесува во исполнување на нашите приоритети за зајакнување на правосудниот систем, заштитата на човековите права, подобрувањето на борбата против корупцијата и подобар пристап до правдата, рекол министерот за правда Никола Тупанчески, на денешната средба со амбасадорката на САД, Кејт Брнз.
Како што соопштија од Министерството за правда, Тупанчевски разговарал со Брнз за досегашната соработка меѓу двете држави во областа на правосудството, како и за можностите за унапредување и продлабочување на соработката. Министерот и се заблагодарил на амбасадорката за досегашната поддршка и помош од Соединетите Американски Држави за Северна Македонија, кога станува збор за подобрување на ефикасноста на судството.-
Соговорниците, исто така, ја истакнале важноста од напредок во областа на владеење на правото и воопшто во реформата на судскиот систем, со цел зајакнување на ефикасноста, независноста и одговорноста на судството.
Амбасадорката, како што информираат од Министерството за правда, истакнала дека правната сигурност и квалитетот на правосудството се многу важни за враќање на довербата во правосудниот систем и посочила дека САД ќе продолжат да бидат наш партнер и ќе ја поддржуваат земјата во понатамошните реформи.