Целта на овој систем е навремено и ефикасно информирање или тревожење на населениот во случаи на пожари, поплави, земјотреси, опасни временски појави или други кризни ситуации
Центарот за управување со кризи (ЦУК) денеска изврши тестирање на системот за масовно известување на граѓаните во случај на кризни состојби или тревожење.
Така, дел од граѓаните добија СМС-порака со следната содржина:
„Ве известуваме дека на триторијата на целата држава е прогласена кризна состојба во врска со пожарите. Воедно ве информираме дека на сила е забрана за движење во шумите“.
Оваа порака, како што информираат од ЦУК, е тест, со цел да се проверат техничките можности за праќање вакви масовни пораки, кои во иднина треба да бидат дел од системот наречен „cell broadcasting“ или масовно праќање пораки во случај на кризна ситуација за известување или тревожење.
Овој систем овозможува изпраќање на итни пораки до сите корисници на мобилни телефони, што се наоѓаат во одредена географска област, без разлика на мобилниот оператор.
Целта е навремено и ефикасно информирање или тревожење на населениот во случаи на пожари, поплави, земјотреси, опасни временски појави или други кризни ситуации.
Како што информираат од ЦУК, воведувањето на овој систем не е само национална потреба, туку обврска согласно законодавството на Европската Унија.
Во таа насока, веќе е започната изработка на физибилити студија за проценка на техничката, финасиската и организациската изводливост за негова имплементација.