Црногорскиот премиер Спајиќ рече дека Црна Гора, со помош на европските партнери, продолжува решително до полноправното членство во 2028 година. Спајиќ нагласи дека пораката е јасна – секое проширување врз основа на исполнети критериуми, сила и отпорност, ја зајакнува европската стабилност и отпорност
Во однос на Албанија, од ЕУ велат дека го затворила поглавјето 20 кое се однесува на политиките за индустрија и претпријатија. Преку објава на социјалните мрежи, премиерот на Албанија, Еди Рама го опиша овој развој на настаните како чекор кон историската цел на Албанија за членство во ЕУ
Претседателката на Европската комисија Урсула фон дер Лајен вели дека денес е направен значаен исчекор кон поцелосна Европска Унија најавувајќи дека Црна Гора затвора три дополнителни преговарачки поглавја, а Албанија едно.
„Ја поздравувам одлуката за затворање на три дополнителни преговарачки поглавја со Црна Гора и уште едно со Албанија. Ова е резултат на напорната работа на двете земји. И на извонредниот европски дух на нивните граѓани“,
напиша Фон дер Лајен на Икс.
Today we take a meaningful step towards a more complete Union. I welcome the decision to close three additional negotiating chapters with Montenegro and one more with Albania. This is thanks to the hard work of both countries. And the remarkable European spirit of their people.
— Ursula von der Leyen (@vonderleyen) October 12, 2026
За затворањето на трите поглавја информираше и премиерот на Црна Гора, Милојко Спајиќ кој вели дека во овој момент, Владата на Црна Гора буквално ги завршила сите обврски во нејзина надлежност потребни за последната фаза од преговорите. Тој на прес-конференција по Меѓувладината конференција со ЕУ, изјави дека со затворањето на трите поглавја е создадена јасна рамка за економска и монетарна стабилност.
„Верувам дека на другите нивоа ќе се постигне потребното ниво на мудрост и компромис за да се доведе овој процес до самиот крај“,
вели тој.
Со денешното затворање на три поглавја во преговорите со ЕУ, значи дека Црна Гора има вкупно затворени 21 од 33 преговарачки поглавја.
„Поглавјата што беа затворени денес (17, 18 и 19) претставуваат три клучни столба на европската интеграција: одговорно економско управување, сигурно креирање јавни политики и социјален напредок. Со благодарност до Европската комисија и секоја од 27-те земји-членки, им честитам на раководителите и членовите на работните групи кои одлично ја завршија работата за уште поодличен резултат“,
рече Спајиќ.
Još tri pregovaračka poglavlja uknjižena su u naš pregovarački bilans koji danas broji 21 zatvoreno poglavlje u pregovorima sa Evropskom unijom. Poglavlja koja su danas zatvorena (17, 18 i 19) predstavljaju tri ključna stuba evropske integracije: odgovorno ekonomsko upravljanje, pouzdano kreiranje javnih politika i društveni napredak. Uz zahvalnost Evropskoj komisiji i svakoj od 27 država članica, čestitam šefovima i članovima radnih grupa koji su odradili izvrstan posao za još izvrsniji rezultat. U ovom trenutku Vlada Crne Gore završila je doslovno sve obaveze iz svoje nadležnosti potrebne za završnu fazu pregovora. Vjerujem da će se i na ostalim nivoima postići neophodni nivo mudrosti i kompromisa da se ovaj proces dovede do samog kraja. Sa našim evropskim partnerima nastavljamo odlučno do punopravnog članstva Crne Gore 2028. godine ♥️🇪🇺
— Milojko Spajić (@MickeySpajic) October 12, 2026
Тој рече дека Црна Гора, со помош на европските партнери, продолжува решително до полноправното членство во 2028 година. Спајиќ нагласи дека пораката е јасна – секое проширување врз основа на исполнети критериуми, сила и отпорност, ја зајакнува европската стабилност и отпорност.
„Со квалитетни реформи, Црна Гора се обидува да придонесе кон таква ЕУ и да им обезбеди на своите граѓани можности, безбедност и решително и обединето дејствување на глобалната сцена. До 2028 година, ќе одиме напред заедно“,
рече Спајиќ.
Европската комесарка за проширување Марта Кос изјави дека реформите во рамките на трите затворени поглавја носат вистински придобивки за Црна Гора.
„Напорната работа ја доведе земјата до последните чекори кон пристапување кон ЕУ“,
вели таа.
Таа ги повика Владата и опозицијата да работат заедно, да прават компромиси и да преземат одговорност за одлуките што треба итно да се донесат, наведувајќи дека ако не го сторат тоа, ја ризикуваат иднината на земјата.
„Сакаме Црна Гора да се приклучи како земја со еднакви права како и другите членки“,
рече Кос.
Ирскиот министер за европски прашања и одбрана, Томас Берн, изјави дека Црна Гора ги затворила трите споменати поглавја и уверува дека ЕУ сака да ги пречека граѓаните на Црна Гора.
„Црна Гора затвори 21 поглавје. Ова значи дека не само што затвори повеќе од половина од поглавјата за преговори, туку доби и моментум да го затвори процесот на преговори со затворање на сите поглавја“,
рече Берн.
Тој вели дека Црна Гора продолжува да се движи кон ЕУ и „се приближува секој ден“ и истакна дека ова покажува дека проширувањето на ЕУ е можно и дека проширувањето на ЕУ е приказна за успех.
Во однос на Албанија, од ЕУ велат дека го затворила поглавјето 20 кое се однесува на политиките за индустрија и претпријатија.
Преку објава на социјалните мрежи, премиерот на Албанија, Еди Рама го опиша овој развој на настаните како чекор кон историската цел на Албанија за членство во ЕУ.
Според него, затворањето на преговорите за ова поглавје ги подобрува изгледите за инвестиции, иновации, конкурентност и вработување.
„Албанија го затвора четвртото поглавје, започнува одбројувањето кон историската цел“,
вели Рама.