Од Центарот за мониторинг и истражување (ЦЕМИ) велат дека има поплаки од граѓани за притисоци, односно дека гласачите добиваат телефонски повици да излезат и да гласаат за одредени кандидати
До 19 часот во Црна Гора денеска гласале вкупно 60,5 отсто од избирачите, покажуваат податоците на Центарот за мониторинг и истражување (ЦЕМИ).
Presjek izlaznosti do 19 sati 60.5 % #ZaFerIzbore2023 pic.twitter.com/tHaOm7K5We
— CeMI (@CeMI_ME) March 19, 2023
На претседателските избори во 2018 година излезеноста во овој период беше 58,6.
Од ЦЕМИ велат дека има поплаки од граѓани за притисоци, односно дека гласачите добиваат телефонски повици да излезат и да гласаат за одредени кандидати.
Ponavljaju se prijave građana koje se odnose na vršenje pritiska (putem telefonskih poziva) na birače da izađu na glasanje i glasaju određene kandidate #ZaFerIzbore2023
— CeMI (@CeMI_ME) March 19, 2023
Во Црна Гора утрово во 7 часот се отворени избирачките места за претседателските избори, а гласањето ќе трае до 20 часот.
Граѓаните избираат меѓу актуелниот претседател и лидер на Демократската партија на социјалистите, Мило Ѓукановиќ, заменик-претседателот на движењето Европа сега, Јаков Милатовиќ, лидерот на Демократскиот фронт Андрија Мандиќ, инфлуенсерот Јован Радуловиќ, претседателот на Обединета Црна Гора, Горан Даниловиќ, лидерот на Демократите Алекса Бечиќ и пратеничката Драгиња Вуксановиќ-Станковиќ од Социјалдемократската партија.