Како што пренесе МИА, РКЕ ќе ја вкалкулира намалената даночна стапка во нова одлука штом Собранието ќе ги изгласа измените во Законот за ДДВ и откако потоа Владата ќе донесе одлука. По завршување на овие две процедури, РКЕ ќе донесе одлука и со вкалкулирано намалено ДДВ
Цената на нафтените деривати денеска нема да се менува бидејќи не се исполнети условите за тоа, потврдија од Регулаторната комисија за енергетика (РКЕ) за МИА.
Што се однесува до предложените законски измени кои се во собраниска процедура, од РКЕ велат дека во моментот кога измените на Законот за акциза ќе стапат во сила, односно штом Собранието ги донесе и се објават во „Службен весник“, Регулаторна веднаш ќе одржи седница на која ќе биде донесена одлука за највисоки малопродажни цени на нафтените деривати во која соодветно ќе биде вметната новата акциза.
Во врска со измените во законот за ДДВ, предвидено е согласно член 4 да се пристапи кон примена на даночна стапка од 10 отсто кога Владата на Република Северна Македонија поблиску ќе ги определи видот на добрата и временскиот период на ослободување на плаќањето на ДДВ.
Како што пренесе МИА, РКЕ ќе ја вкалкулира намалената даночна стапка во нова одлука штом Собранието ќе ги изгласа измените во Законот за ДДВ и откако потоа Владата ќе донесе одлука.
По завршување на овие две процедури, РКЕ ќе донесе одлука и со вкалкулирано намалено ДДВ.