На сите функционери од хрватското Министерство за наука и образование, предводени од министерката Блаженка Дивјак, денеска епидемиолозите им наложија да се изолираат и да се тестираат на коронавирус откако државната секретарка во Министерството е позитивна на вирусот.
Во соопштението од Министерството се вели дека министерката Дивјак ја добила оваа инструкција во консултација со епидемиолозите, како и со сите функционери на Министерството, откако се утврди дека државната секретарка Ивана Франиќ е позитивна.
Хрватските медиуми објавија дека Франиќ била на свадба во Задар, по што не била тестирана, а по враќањето во Загреб учествувала на колегиум во Министерството и на други состаноци.
