Најмалку три лица загинаа, а четири се водат како исчезнати откако патнички автобус паднал од мост во река во северо-западниот дел на Шпанија.
Возачот на автобусот заедно со уште еден патник биле успешно извлечени од реката Лерез, каде што поради обилните дождови, спасувањето оди отежнато. Дождот ја спречува и потрагата по останатите патници, велат локалните власти. Автобусот се движел од градот Луго кон Виго, каде направил пауза во близина на местото на несреќата.
Засега се уште не се познати причините за излетувањето на автобусот, а според првичните информации, во авотбусот се наоѓале вкупно 9 лица.
” Нема повеќе тела во автобусот, па затоа продолжуваме со потрагата за исчезнатите лица”,
изјавија тамошните власти.
Реката останала над прагот на излевање во текот на ноќта, што ги принудило спасувачките тимови да ја прекинат потрагата за речиси два часа, се додека не се смири невремето.