Три лица вечерва се приведени од полициските екипи во Тетово поради непочитување на полицискиот час, информира дополнителната заменик-министерка за внатрешни работи Славјанка Петровска.
„Вечерва сум во посета на безбедносните пунктови на територија на СВР Тетово. Разговарав со припадниците на МВР кои се поставени на безбедносните пунктови Монопол, Медицинско училиште и Боговиње. До овој момент приведени се три лица кои не ја почитувале забрана за движење, а вкупно 40 возила се контролирани. Полицијата постапува во интерес на граѓаните и се грижи за доброто на сите нас. МВР за граѓаните“,
напиша Петровска на својот профил на Фејсбук.
Претходно и министерот Наќе Чулев информираше дека во последниве пет дена 300 граѓани не го почитувале полицискиот час и против нив се преземени соодветни санкции. Мерката за забрана на движење на граѓаните МВР ја спроведува на два начина и тоа преку пунктови на територија на цела држава на главните сообраќајници и преку мобилни полициски патроли.
Поврзана вест:
(ФОТОГАЛЕРИЈА) Полицајци со маски и ракавици на полициски час