Трамп ги повтори своите тврдења дека воената алијанса ги искористува предностите на САД, повторувајќи ги позициите што ги има со години откако НАТО остана клучен фактор за одвраќање на руските амбиции по крајот на Втората светска војна
Новоизбраниот американски претседател Доналд Трамп наведе под кој услов Соединетите Американски Држави ќе останат членка на Организацијата на Северноатлантскиот договор (НАТО). Трамп со години остро го критикува НАТО.
„Њујорк тајмс“ на почетокот на 2019 година објави дека Трамп неколкупати претходните години приватно изјавувал дека сака да ги повлече Соединетите држави од алијансата.
Иако не се очекува да го стори тоа кога ќе ја преземе повторно Овалната соба во јануари, европските претставници се подготвуваат за неговите цврсти барања за издвојување дел од бруто домашниот производ (БДП) за НАТО. Во неделата, Трамп разговараше за НАТО со Кристен Велкер, водителка на „Мит д прес“ на Ен-би-си њуз.
PRESIDENT TRUMP: "If they're paying their bills and if I think they're treating us fairly, the answer is absolutely — I'd stay with NATO." pic.twitter.com/5UYhWhvQpU
— Trump War Room (@TrumpWarRoom) December 8, 2024
Трамп ги повтори своите тврдења дека воената алијанса ги искористува предностите на САД, повторувајќи ги позициите што ги има со години откако НАТО остана клучен фактор за одвраќање на руските амбиции по крајот на Втората светска војна.
„Прво, тие не искористуваат во трговијата, тоа се европските нации – не ги прифаќаат нашите автомобили, нашите прехранбени производи, ништо. Тоа е срамно. Плус, ние ги браниме, па тоа е двоен удар. Да ви кажам. Постигнав стотици милијарди долари да се инвестираат во НАТО само благодарение на цврстиот став. Им реков на тие земји: ‘Нема да ве заштитам ако не платите’, и тие почнаа да плаќаат. Тоа беше повеќе од 600 милијарди долари. Тоа е голема работа, инаку немаше да имаме пари да се бориме. Ако ги плаќаат сметките и ако мислам дека се однесуваат праведно со нас, јас апсолутно би останал во НАТО“,
нагласи Трамп.