Со зголемувањето на минималната плата до 800 евра до крајот на четиригодишниот мандат, Таравари смета дека ќе се создадат нови можности младите мажи и жени да останат и да придонесат за развојот на државата
Кандидатот за претседател од коалицијата „Вреди“ Арбен Таравари, на вечерашниот митинг во Струга вети дека ќе ја зголеми минималната плата до 800 евра и дека на тој начин ќе се бори против миграцијата.
Со зголемувањето на минималната плата до 800 евра до крајот на четиригодишниот мандат, Таравари смета дека ќе се создадат нови можности младите мажи и жени да останат и да придонесат за развојот на државата.
„Иселувањето кај нас е над секоја норма, бројките се алармантни. Не можеме да останеме рамнодушни на оваа ситуација. Како идна влада ќе донесеме одлука за покачување на платите. Ќе се заложиме минималната плата до крајот на нашиот прв владејачки мандат да биде 800 евра“,
рече Таравари.
Доколку коалицијата ја добие довербата на граѓаните, тој посочи дека ќе поддржуваат креативни идеи преку грантови за технологија и иновации.
„Преку грантови за технологија и иновации, ќе ги поддржиме младите мажи и жени со нивните креативни идеи, кои првенствено служат за нашиот развој како држава. Ова ќе биде дополнителна причина да ја гледаат иднината овде со нас, недалеку од нивните домови, недалеку од нивниот роден град“,
подвлече Таравари.