Таравари сè уште нема никаква информација ниту, пак, бил повикан да даде изјава за куршумот кој во февруари беше пронајден пред неговиот дом во Гостивар
Претседателскиот кандидат на коалицијата „Вреди“, во која се здружени опозициските партии на Албанците, Арбен Таравари, смета дека предност пред директниот противкандидат Бујар Османи од ДУИ е неговата чиста политичка кариера, без скандали и афери.
Но, Таравари во интервјуто за Радио Слободна Европа најави и дека ќе се повлече од политиката ако ги изгуби изборите.
Таравари: Ако не победиме на овие избори, мислам дека така треба да биде. И во целиот западен свет е така, во сите развиени демократии е така. Ако изгубите избори, барем пред органите на партијата…иако кај нас имаше одредени случувања, не ми се дозволи од сопартијците барем едни избори да ги терам до крај. А јас им кажав, барам доверба од сите вас. Еден пар избори до 8 мај, ако не победиме на 8 мај, јас сум тука да дадам оставка и немаше да има сила која може да ме запре да не дадам оставка доколку бевме обединети и не победевме. И вака ќе победиме.
РСЕ: Кога велите ако изгубиме избори, мислите на претседателските или на парламентарните избори?
Таравари: И на претседателските и на парламентарните секако. Претседателските ќе бидат еден индикатор за парламентарните избори. Така што, јас се надевам дека ќе ги добиеме без никаков проблем.
РСЕ: Во спротивно, поднесувате оставка?
Tаравари: Така доаѓа.
Таравари сè уште нема никаква информација ниту, пак, бил повикан да даде изјава за куршумот кој во февруари беше пронајден пред неговиот дом во Гостивар.
Тој е на став и дека уставните измени се неопходни за државата да го продолжи патот за членство во Европската Унија оти, според него, друга алтернатива нема.
Целото интервју може да го погледнете на следниов линк.