Идната недела претседателот на Косово, Хашим Тачи ќе ги преземе последните чекори, согласно неговите уставни овластување, за да се формира нова влада откако на 25 март ѝ беше изгласана недоверба на владата предводена од Албин Курти.
Тачи на Твитер порача е потреба владата која ќе соочи со кризата предизвикана од епидемијата на ковид-19, но и ќе ги укине таксите од 100 отсто на увозот од Србија и Босна и Херцеговика, како и реципроцитетот што почна да го воведува владата на Курти кон Белград.
„Идната недела ќе ги преземам последните уставни чекори за да се овозможи формирање нова влада, која ќе има целосен легитимитет од Собранието и ќе биде способна да се бори против ковид-19 и да му служи на народот. Таксата и реципроцитетот треба да се укинат за да се зајакне поддршката од САД и ЕУ за Косово“,
напиша Тачи.
По изгласувањето недоверба на сегашната влада, Тачи во неколку наврати побара од Курти, како лидер на партијата победничка на изборите од минатиот октомври, Движење Самоопределување (ВВ), да именува кандидат за состав на новата влада.
Курти ги одбива барањата на претседателот, тврдејќи дека нова влада во ваква ситуација, според неговото толкување на Уставот, може да се формира единствено по нови избори, кои би се одржале откако ќе помине епидемијата на ковид-19.
Лидерот на Демократскиот сојуз на Косово (ЛДК) Иса Мустафа, кој беше во коалиција со Курти, за порталот „Газета експрес“ изјави дека нема воопшто дилеми дали да го прифати мандатот за формирање нова Влада на Косово, веднаш штом Тачи побара од неговата партија име на кандидат за иден премиер.