Здравствената комисија на кинеската провинција Хубеј, во која првично изби епидемијата на коронавирус, соопшти дека бројот на смртни случаи во таа провинција до вчера се зголемил на 162.
Во провинцијата се регистрирани 1.032 нови случаи, и сега вкупно има 4.586 заразени.
До крајот на вчерашниот ден беа потврдени 170 смртни случаи. Регистрирани се вкупно 7.736 случаи на коронавирусна инфекција, при што се сомнителни се уште 12.167 лица, соопшти комисијата. Од нив, 1.239 лица се во критична состојба.
70 случаи се пријавени во повеќе од 20 земји, вклучувајќи ги Јапонија, Германија, Франција, Тајван и Виетнам. Вкупниот број на заразени е повисок од оној кога беа инфицирани од САРС. Во 2002/2003 година од тој коронавирус животот го загубија 774 луѓе од кои 349 во Кина.
Во меѓувреме, финските власти потврдија за прв случај на коронавирус во државата. Други 15 лица се под строг лекарски надзор.
Вчера, Франција го потврди петтиот случај на инфекција со коронавирус од Кина и станува збор за е за ќерка на 80-годишник веќе хоспитализиран со истата дијагноза, изјави синоќа министерката за здравство Ањес Бузин.
Странските влади забрзано ги евакуираат своите граѓани од таа област, а Светската здравствена организација изрази „сериозна загриженост“ за ширењето на вирусот што се пренесува од човек на човек.
Комисијата за вонредни состојби при Светската здравствена организација денеска повторно ќе заседава, третпат оваа недела, за да процени дали новиот вирус што се шири од Кина претставува вонредна закана на глобално ниво.
Комисијата, што е составена од 16 независни експерти, минатата недела двапати не прогласи вонредна состојба на меѓународно ниво.