Судија на претходна постапка им одреди осумдневна мерка притвор на двајцата насилници од Штип кои тепаа девојка и чинот го снимиле со мобилен телефон.
Информацијата ја потврди заменик-министерката за внатрешни работи Славјанка Петровска на својот профил на Фејсбук.
„Одредена е мерка притвор за двајцата насилници од кои вчера целата македонска јавност беше згрозена. Санкции мора да има“,
напиша Петровска.
С.А. и П.Р. се товарат за кривично дело насилство и утринава беа спроведени на сослушување во Штип.
Тие во јануари тепале своја сограѓанка, а насилството го документирале со мобилен телефон.
Снимката вчера беше објавена на социјалните мрежи и предизвика бурни реакции кај јавноста.