Лалиќ пред судот изјави дека слушнал од другите членови на групата дека Радоје Звицер, водачот на кавачкиот клан, чиј огранок беше групата Беливук-Миљковиќ, испратил пет милиони евра за да ја собори сегашната влада во Србија и да постави една која би работела во корист на кланот
Во Специјалниот суд во Белград денеска, со исказ на обвинетиот сведок Срѓан Лалиќ, продолжи судењето на криминалната група на Вељко Беливук и Марко Миљковиќ, чии членови се товарат за седум убиства, трговија со дрога, недозволено поседување и носење оружје, киднапирање и силување.
Меѓу другото, Лалиќ рече дека членовите на групата на Беливук и Миљковиќ како најголема закана гледаат на српскиот претседател Александар Вучиќ, чијашто ликвидација ја планирале.
Лалиќ пред судот изјави дека слушнал од другите членови на групата дека Радоје Звицер, водачот на кавачкиот клан, чиј огранок беше групата Беливук-Миљковиќ, испратил пет милиони евра за да ја собори сегашната влада во Србија и да постави една која би работела во корист на кланот.
„Звицер обезбеди околу пет милиони евра и балистичка помош на делот од тие служби кои се за рушење на политичките структури овде во Србија, за да се донесе некој соодветен, кој би работел во интерес на кланот. За таа цел веќе беа спроведени некои акции преку социјални мерки, пишување пароли. Најголемата пречка ја видоа кај претседателот на владејачката структура, атентат на претседателот. Се зборуваше за поставување експлозивни направи на јавни површини“,
сведочеше Лалиќ, пренесуваат српските медиуми.
По исказот на Лалиќ, со реакција се јави српската премиерка Ана Брнабиќ.
„Сега кога слушнавме и признание од оние кои планираа напад на срцето на земјата, ќе слушнеме ли барем едно ‘извини’ од сите оние кои се потсмеваа на знаењето на нашите служби“,
изјави Брнабиќ.
Након свега што смо данас чули у судници Специјалног суда у Београду, јасно је да је клан Вељка Беливука био спреман да мења демократски изабрану власт у Србији. Њихов највећи противник је управо председник Александар Вучић. 1/3
— Ana Brnabic (@anabrnabic) November 8, 2022
Таа им се заблагодари на безбедносните служби кои го спречија атентатот на Вучиќ кога тој објави војна против организираниот криминал и мафијата.
Таа додаде дека борбата, сепак, не е завршена и дека директорите и главните организатори се уште се на слобода и надвор од дофатот на српските власти.