„Свикав вонреден самит за 24 март во седиштето на НАТО“, објави генералниот секретар
Лидерите на НАТО ќе се состанат во Брисел на 24 март за да разговараат за руската инвазија врз Украина. Тоа го објави денеска генералниот секретар на Алијансата Јенс Столтенберг преку Твитер.
„Свикав вонреден самит за 24 март во седиштето на НАТО“,
напиша Столтенберг.
Тој додаде дека темите ќе бидат нападот на Русија врз Украина, силната поддршка за таа земја, како и натамошното зајакнување на Алијансата.
„Во ова критично време, Северна Америка и Европа мора да продолжат заедно“,
напиша генералниот секретар на НАТО.
I have convened an extraordinary Summit on 24 March at #NATO HQ. We will address #Russia’s invasion of #Ukraine, our strong support for Ukraine, and further strengthening NATO’s deterrence & defence. At this critical time, North America & Europe must continue to stand together.
— Jens Stoltenberg (@jensstoltenberg) March 15, 2022