Прашањето сега е да се осигуриме дека Украина ќе остане независна и суверена држава, а за тоа мора да ја поддржиме. Војната на претседателот Путин во Украина продолжува и нема знаци дека тој ги менува своите планови, додаде Столтенберг
Украина ќе стане членка на НАТО, но „во долгорочна перспектива“, изјави денеска генералниот секретар на НАТО, Јенс Столтенберг.
„Земјите на НАТО се согласни дека Украина треба да стане членка на Алијансата, но во исто време тоа е долгорочна перспектива“,
рече Столтенберг за време на посетата на Финска при што повика да се изгради рамка за да се спречи во иднина Украина повторно да биде нападната.
Влезот на Украина во НАТО е апсолутна црвена линија за Москва која ги наведува ризиците поврзани со таквата интеграција како аргумент за оправдување на нејзината инвазија.
„Прашањето сега е да се осигуриме дека Украина ќе остане независна и суверена држава, а за тоа мора да ја поддржиме. Војната на претседателот Путин во Украина продолжува и нема знаци дека тој ги менува своите планови. Тој сака да ја контролира Украина и не се подготвува за мир, туку за продолжување на војната. Ние исто така треба да разработиме рамки кои ќе гарантираат дека претседателот Путин и Русија нема повторно да ја нападнат Украина“,
рече Столтенберг на заедничката прес-конференција со финската премиерка Сана Марин.