Истовремено, генералниот секретар на НАТО предупреди дека не треба да се потпираме на брз крај на војната и да не веруваме дека Путин ќе го промени курсот по неговиот очекуван реизбор на 17 март
Русија нема да ги постигне своите воени цели во Украина и покрај нејзините огромни напори, смета генералниот секретар на НАТО, Јенс Столтенберг.
Во меѓувреме, според него, стандардот на живеење во најголемата земја во светот по површина енормно опаѓа.
„Целта на инвазијата нарачана од претседателот Владимир Путин беше да се спречи Украина да се движи кон Европската унија и НАТО. По речиси две години војна, Украина сега е поблиску до НАТО и ЕУ од кога било досега“,
вели Столтенберг.
Според генералниот секретар на НАТО, Путин засекогаш ја загубил Украина.
„Русија со децении ја гледа Украина како дел од својата сфера на влијание. Ова е голем стратешки пораз за Русија“,
додава тој.
Сигурен е дека Украина на крајот ќе ја постигне целта за влез во НАТО.
300.000 загинати или ранети руски војници
Столтенберг истакна дека и Русија плаќа огромна цена за својата војна. Земјата веќе изгуби стотици авиони и илјадници тенкови, а 300 000 војници се убиени или повредени.
„Како резултат на војната, инфлацијата се зголемила, а паднал животниот стандард. Русија е политички поизолирана од порано“,
дадава тој.
Путин сака да окупира повеќе области
Истовремено, Столтенберг предупреди дека не треба да се потпираме на брз крај на војната и да не веруваме дека Путин ќе го промени курсот по неговиот очекуван реизбор на 17 март.
„Немаме знаци дека Путин ќе ги промени своите цели и неговите политики. Тој ќе продолжи да окупира повеќе области“,
рече Столтенберг.