Вчерашниот инцидент покажува дека војната во Украина продолжува да создава опасни ситуации. Русија започна бран нови напади врз украинските градови, насочени кон цивилни цели, а тоа само по себе е опасна ситуација. Последиците можат да се почувствуваат и на територијата на НАТО, рече Столтенберг на новинарско прашање
Во Брисел денеска се одржа итен состанок на амбасадорите на НАТО со кој претседаваше генералниот секретар Јенс Столтенберг. Состанокот беше организиран на барање на Полска, која се повика на член 4 од договорот за НАТО, откако две лица загинаа во експлозија во Пржеводов, село во источна Полска во близина на границата со Украина.
„Истрагата за настанот е во тек, но немаме индиции дека станува збор за намерен напад или дека Русија подготвува воени акции против НАТО. Прелиминарната истрага покажа дека најверојатно украински проектили ги пресретнале руските. Но, сакам да бидам јасен, за ова не е виновна Украина. Русија ја сноси вината за започнувањето на инвазијата. Изразуваме солидарност со нашиот сојузник Полска. Русија мора да стави крај на оваа бесмислена војна“,
порача Столтенберг.
Генералниот секретар на НАТО истакна дека разговарал и со светските лидери.
„Разговарав со Дуда и Бајден. Се согласивме дека мора да продолжиме внимателно да ја следиме ситуацијата. НАТО останува обединет и ќе направиме се што можеме за да ги заштитиме нашите сојузници. Донесовме важни одлуки на самитот во Мадрид, за да го зголемиме присуството во источниот блок на алијансата“,
додаде Столтенберг.
[LIVE] 🔴 🎥 Watch #NATO Secretary General @jensstoltenberg‘s press conference after the meeting of the North Atlantic Council to discuss yesterday’s explosion in Eastern #Poland. https://t.co/l4yVwj9KE2
— Oana Lungescu (@NATOpress) November 16, 2022
Вчерашниот инцидент покажува дека војната во Украина продолжува да создава опасни ситуации. Русија започна бран нови напади врз украинските градови, насочени кон цивилни цели, а тоа само по себе е опасна ситуација. Последиците можат да се почувствуваат и на територијата на НАТО, рече Столтенберг на новинарско прашање и додаде дека ќе испрати повеќе помош за Украина.
„Денеска ќе имаме состанок на групата за Украина за координирање на помошта. Нашиот главен фокус беше на воздушната одбрана, особено по новите руски напади. Сè повеќе сојузници и партнери и доставуваат системи за противвоздушна одбрана на Украина. Мобилизираме дополнителна помош, НАТО ќе испрати и анти-дронови системи“,
рече Столтенберг.
Фото: EPA-EFE/STEPHANIE LECOCQ