Се ангажираме на највисоки нивоа во Владата за да ја демонстрираме нашата посветеност кон европскиот пат на земјите аспиранти, напиша на Твитер Нед Прајс, портпарол на американскиот Стејт департмент
САД поддржуваат отворање преговори за членство во ЕУ со Северна Македонија и Албанија, без одложување, нагласува портпаролот на американскиот Стејт департмент, Нед Прајс.
„Поддржуваме отворање преговори за членство во ЕУ со Северна Македонија и Албанија без одложување. Се ангажираме на највисоки нивоа во владата, за да ја демонстрираме нашата посветеност кон европскиот пат на земјите аспиранти“,
напиша Прајс на Твитер.
We support the opening of EU accession negotiations with North Macedonia and Albania without delay. We are engaging at the highest levels of government to demonstrate our commitment to the aspirants’ European paths.
— Ned Price (@StateDeptSpox) June 10, 2021
РТС, повикувајќи се на европски дипломатски извори, јави вчера дека Западен Балкан ќе биде една од темите на средбата на американскиот претседател Џозеф Бајден со лидерите на ЕУ следната недела во Брисел
Соединетите држави и ЕУ ќе го засилат заедничкиот ангажман на Западен Балкан, вклучително и дијалог за нормализирање на односите Белград-Приштина и поддршка на клучните реформи во европската интеграција“, се вели во нацртот на заедничката декларација, што, според РТС, може да се смени до средбата на Бајден со претседателот на Европскиот совет Шарл Мишел и со претседателката на Европската комисија Урсула фон дер Лајен, на 15 јуни во Брисел.
Американскиот претседател пред неколку дена издаде нова извршна наредба за конфискација на имот и забрана за влез во САД на лица кои се закана за безбедноста на Западен Балкан. Со последната одлука на Бајден, се проширува опфатот на санкциите и врз оние лица или ентитети што ги загрозуваат Преспанскиот договор и Охридскиот рамковен договор.