Најмалку 103 лица загинаа денеска, а повеќе од 141 се ранети во две експлозии во Керман. Иранската новинска агенција Тасним, повикувајќи се на сигурни извори, објави дека „експлодирале две вреќи со бомби“ во близина на гробницата на воениот командант Касем Сулејмани, за време на комеморативната седница по повод годишнината од неговата смрт
САД го оценија како апсурдно секое навестување дека САД или Израел биле вмешани во нападот извршен денеска во Иран во близина на гробот на иранскиот генерал Касем Сулејмани и дадоа гаранции дека ниту една земја „нема интерес да ескалира ситуацијата во регионот“.
„САД не се вклучени на кој било начин. Секое тврдење за спротивното е апсурдно“,
рече портпаролот на Стејт департментот Метју Милер.
Тој додаде дека САД „немаат причина да веруваат дека Израел бил вклучен во таа експлозија“ и изрази жалење за загинатите цивили.
Милер не прецизираше на кого се мисли кога го кажа тоа, само рече дека видел „обвиненија кои кружат“ и рече дека нема „независни“ информации за нападот во Иран.
Најмалку 103 лица загинаа денеска, а повеќе од 141 се ранети во две експлозии во Керман. Иранската новинска агенција Тасним, повикувајќи се на сигурни извори, објави дека „експлодирале две вреќи со бомби“ во близина на гробницата на воениот командант Касем Сулејмани, за време на комеморативната седница по повод годишнината од неговата смрт. Бомбите очигледно биле активирани со далечински управувач.
Сулејмани, командант на елитните ирански сили Кудс, беше водач на иранските воени операции на Блискиот исток и беше убиен од САД во јануари 2020 година во Ирак
Европската Унија побара сторителите на двeте експлозии да бидат изведени пред лицето на правдата.
„ЕУ најостро го осудува денешниот бомбашки напад во градот Керман во Иран. ЕУ ја изразува својата солидарност со иранскиот народ. Овој чин на терор донесе шокантна бројка на цивилни жртви и повредени. Нашите мисли сега се со жртвите и нивните семејства. Насилниците мора да одговараат“,
наведе портпаролот на ЕУ во соопштение.