Стефковски со осуда за инцидентот во Ченто: Повредениот ученик е во болница и е во добра здравствена состојба

Градоначалникот на Општина Гази Баба информира дека разговарал со членови на семејството на повредениот ученик, кои го информирале дека малолетникот е во добра здравствена состојба и се наоѓа на болничко лекување

Градоначалникот на Општина Гази Баба, Бобан Стефковски, го осуди инцидентот што вчера се случил во основно училиште во населбата Ченто, при што со остар предмет е повреден ученик од деветто одделение.

Стефковски информира дека разговарал со членови на семејството на повредениот ученик, кои го информирале дека малолетникот е во добра здравствена состојба и се наоѓа на болничко лекување.

„Со жалење и сериозна вознемиреност ја примив информацијата за немилиот настан што се случил во училиште во Ченто, каде што поранешен ученик, кој минатата година го завршил своето образование во ова училиште, дошол и повредил ученик од деветто одделение. Лицето што го извршило нападот е обезбедено од МВР. Како градоначалник на Гази Баба изразувам најостра осуда на ваквиот чин. Насилството не може да се оправда со ништо“,

пишува Стефковски во објава на Фејсбук.

• Четири пријави за напади врз ученици во еден ден – од тепачки до тешки повреди со остар предмет

Градоначалникот додаде дека Општина Гази Баба останува во постојана координација со надлежните институции кои преземаат мерки за целосно расчистување на случајот.