Проектот е во фокус на реконструкција и ревитализација на училиштето и негова адаптација во Центар за промоција на македонскиот јазик, а за негова реализација Владата го задолжи Министерството за култура
Старото училиште „Димитар Влахов” во селото Љубојно, Општина Ресен, ќе биде адаптирано во Центар за промоција на македонскиот јазик, информира Владата по денешната редовна владина седница на која, меѓу другото, била донесена и оваа одлука.
„Имајќи ги предвид вредностите на старото училиште ‘Димитар Влахов’ во селото Љубојно, надлежната установа НУ Завод за заштита на спомениците на културата и Музеј-Битола, како што соопштија од Министерството за култура, иницира постапка за негова реконструкција и ревитализација како Центар за промоција на македонскиот јазик“,
соопшти владината прес-служба.
Проектот е во фокус на реконструкција и ревитализација на училиштето и негова адаптација во Центар за промоција на македонскиот јазик, а за негова реализација Владата го задолжи Министерството за култура.