На средбата, како што информираат од прес-службата на Министерството, разменети биле мислења за билатералните односи и можностите за нивно зајакнување во рамки на Стратешкиот дијалог
Евроинтеграциите на Северна Македонија и важноста од забрзување на процесот што би придонело за економски развој, подобрување на владеењето на правото и борба против корупцијата, биле дел од темите на кои денеска министерот за надворешни работи и надворешна трговија Тимчо Муцунски разговарал со амбасадорката на САД во земјава Анџела Агелер.
На средбата, како што информираат од прес-службата на министерството, разменети биле мислења за билатералните односи и можностите за нивно зајакнување во рамки на Стратешкиот дијалог. Муцунски и Агелер разговарале и за претстојното Генерално собрание на ООН.
Министерот Муцунски, се додава во соопштението, се заблагодарил за континуираната поддршка од САД во реформските процеси и демократскиот развој на државата.
На средбата, велат од министерството, било реафирмирано силното сојузништво во НАТО и заедничката определба за одбрана на демократските вредности, особено во контекст на актуелните безбедносни предизвици.