КФОР, исто така, порача дека има капацитет да ја осигури безбедноста и слободното движење на луѓето
Србите на северот на Косово деветти ден по ред ги продолжуваат блокадите на патиштата, а затворени се и граничните премини „Јариње“ и „Брњак“.
Сè уште се чека одговор и од мисијата на КФОР дали ќе биде дозволено враќање на српски полицајци и војници во Косово. Оттаму потврдија дека го примиле барањето на Владата на Србија и ја разгледуваат ваквата можност, но и соопштија дека КФОР има капацитет да ја гарантира безбедноста и слободата на движење за сите заедници во Косово.
Во меѓувреме, на поранешниот полицаец Дејан Пантиќ му е одбиена жалбата за притвор. Тој беше уапсен на 10 декември поради што и почнаа блокадите, а косовските власти го сомничат за напад на Оштинската изборна комисија во Косовска Митровица. На неговиот колега, поранешниот припадник на косовската полиција, Слаѓан Трајковиќ, пак, вчера му беше одреден 30-дневен притвор, а е осомничен за воени злосторства.