Ѓуриќ ги повика релевантните меѓународни власти да спроведат темелна и транспарентна истрага со цел да се идентификуваат и да се повикаат на одговорност одговорните за овој чин.
Србија најостро го осудува нападот на каналот Ибар-Лепенац кај Зубин Поток, порача српскиот министер за надовршени работи Марко Ѓуриќ. На платформата Икс, тој наведе дека тоа косовскиот премиер Албин Курти, побрзал да впери прст кон Србија без докази, потенцијално укажува на вмешаност на режимот на Курти. Ѓуриќ ги повика релевантните меѓународни власти да спроведат темелна и транспарентна истрага со цел да се идентификуваат и да се повикаат на одговорност одговорните за овој чин.
„Овој длабоко вознемирувачки чин на саботажа ги загрозува животите и егзистенцијата на безброј поединци во регионот. Ибар-Лепенац е критичен воден пат од суштинско значење за производството на електрична енергија, земјоделството, водата за пиење и целокупната благосостојба на заедниците на кои опслужува. Ваквите деструктивни дејства се неприфатливи и ја загрозуваат кревката стабилност што се стремиме да ја одржиме“,
порача Ѓуриќ.
Србија е подготвена, доколку е потребно, да обезбеди финансиска и техничка помош за санирање на штетите на каналот Ибар-Лепенац, вели Ѓуриќ, покажувајќи посветеност на благосостојбата на сите луѓе во регионот, без разлика на етничката или политичката припадност.
„Ги повикуваме сите страни да се спротивстават на провокациите и да дадат приоритет на дијалогот, меѓусебното разбирање и соработката. Србија останува посветена на мирот, стабилноста и соработката како основа за просперитетна и обединета иднина на Балканот,“
додава тој.
По силната експлозија која се случи синоќа во селото Варага во Зубин Поток, северно Косово, беше оштетен каналот за вода Ибар-Лепенец. Предизвикан е голем прекин на водоснабдувањето во регионот, а сомнежите на косовските власти се дека целта била да се блокира протокот на вода што се користи за ладење во процесот на производство на електрична енергија во термоелектраните.