Самитот е под покровителство на австрискиот премиер, а меѓу учесниците е и еврокомесарот за проширување
Премиерот Оливер Спасовски денеска ќе учествува на видеоконференција на Самитот за Западен Балкан 2020, кој се одржува под покровителство на канцеларот на Австрија, Себастијан Курц.
На видеоконференцијата ќе се разговара за соработката на актуелни прашања од интерес на граѓаните од регионот и за проширувањето на ЕУ.
Како што соопшти владината прес-служба, на оваа видеоконференција ќе учествуваат сите премиери од земјите на Западен Балкан и еврокомесарот за еврососедска политика и проширување на ЕУ, Оливер Вархеји.