Спасувачката акција, како што информираат од ЦУК, била реализирана откако вчера во 17:45 часот била добиена информација за заглавени лица со теренско возило во снег кај Пониква
Возило со неколку лица било извлечено од снег кај Пониква на Осоговските Планини, информираат од Центарот за управување со кризи (ЦУК).
Спасувачката акција, како што информираат од ЦУК, била реализирана откако вчера во 17:45 часот била добиена информација за заглавени лица со теренско возило во снег на Пониква.
„Од ЦУК е извршен контакт со доброволната планинска спасителна служба ’Осогово’, а во меѓувреме, екипа од МВР, со теренско возило, била упатена на местото каде што биле заглавени лицата. Доколку имало потреба и пожарникарите биле подготвени да помогнат. Вчерашната спасувачка акција е успешно и навреме спроведена и покрај студеното и снежно време“,
додаваат од ЦУК.
Лицата што биле спасени, како што велат од ЦУК, се пренесени на безбедно место.