Од СВР Охрид информираат дека синот на сега починатите лица, ден претходно пријавил оти неговите родители вечерта околу 22 часот со возилото се оддалечиле од домот
Сопружниците М.Х. (59) и М.Х. (56) од Ресен се двете лица кои вчера со возилото излетале во провалија на планината Галичица.
Како што информираат од Секторот за внатрешни работи (СВР) Охрид, вчера околу 13 часот на патот Охрид – Отешево, полициски службеници со помош на параглајдеристи пронашле автомобил „фолксваген голф“ со ресенски регистарски ознаки, а починатите лица биле најдени во близина на возилото.
Лекар од Итна медицинска помош констатирал смрт кај лицата, а телата се дадени на обдукција. На местото на несреќата бил извршен увид.
Од СВР Охрид информираат дека синот на сега починатите лица, ден претходно пријавил оти неговите родители вечерта околу 22 часот со возилото се оддалечиле од домот.
За несреќата вчера информираа од Центарот за управување со кризи (ЦУК) од каде што рекоа дека возилото паднало во провалија на планината Галичица, кај местото викано Превој. Возилото било паднато во провалија на околу 100-200 метри длабочина.