Сообраќајната полиција во Битола во текот на вчерашниот ден напишала 233 казни, соопшти МВР.
Меѓу изречените казни вчера има 40 за возење без возачка, 34 за брзо возење и 27 за нерегистрирани возила.
МВР веќе три недели постојано информира за засилени сообраќајни контроли во цела држава. Како што вчера изјави портпаролот на Министерството Тони Ангеловски, статистиките покажуваат дека во во тој период сообраќајната полиција во земјава напишала околу 12.000 санкции.