За наредните денови од УХМР најавуваат период на нестабилно време особено во попладневните часови, кое ќе биде изразено со пороен дожд и грмежи и услови за појава на краткотрајно невреме
Денеска времето во земјава ќе биде сончево и топло со променлива облачност и со слаб ветер претежно од северен правец, информираат од Управата за хидрометеоролошки работи (УХРМ). Попладне се очекува зголемување на облачноста, претежно во западните делови, со услови за изолирана појава на краткотраен пороен дожд.
Минималната температура ќе се движи во интервал од 10 до 20 Целзиусови степени, а максималната ќе достигне од 25 до 36 степени. Вредноста на УВ-индексот ќе изнесува 7.
Во Скопје се очекува слично време, сончево и топло со мала до умерена облачност која ќе се зголеми во попладневните часови. Ќе дува слаб ветер од северен правец.
За наредните денови од УХМР најавуваат период на нестабилно време особено во попладневните часови, кое ќе биде изразено со пороен дожд и грмежи и услови за појава на краткотрајно невреме.