УХМР за денеска најавува и локална облачност и изолирана појава на краткотраен пороен дожд и грмежи во попладневните часови
Сончево и многу топло – вакво време не очекува денеска во земјава. Управата за хидрометеоролошки работи (УХМР) за денеска најавува и локална облачност и изолирана појава на краткотраен пороен дожд и грмежи во попладневните часови. Ќе дува слаб до умерен ветер претежно од североисточен правец.
Минималните температури ќе се движат во интервал од 12 до 20 Целзиусови степени, а максималните ќе се искачат од 29 до 39 степени. УВ-индексот ќе изнесува 8.
Во Скопје се очекува сончево и многу топло време со умерена облачност и слаб до умерен ветер од северен правец. Температурите во главниот град ќе се движат во интервал од 20 до 37 степени.