И за деновите од викендот синоптичарите најавуваат сончево и многу топло со мала до умерена локална облачност и со температура од 31 до 42 степени
Сончево и многу топло – вакво време, според прогнозата на Управата за хидрометеоролошки работи (УХМР), нè очекува денеска во земјава. Ќе биде до умерено облачно, особено во попладневните часови, а ќе дува и слаб до умерен ветер од северен правец. УВ-индексот денеска ќе биде висок и ќе изнесува 9. Температурата наутро ќе биде од 14 до 22 Целзиусови степени, а во текот на денот од 31 до 42 степени.
Во Скопје, времето денеска, ќе биде сончево и многу топло. Температурата ќе се движи од 20 степени наутро до 40 во текот на денот.
И за деновите од викендот синоптичарите најавуваат сончево и многу топло со мала до умерена локална облачност и со слаб до умерен северен ветер. УВ-индексот утре ќе биде 10. Температурата и утре ќе се движи од 31 до 42 степени.