Црвста и недвосмислена поддршка од Словенија за одржувањето на првата меѓувладина конференција на Македонија и ЕУ како старт на пристапните преговори за нашиот европски пат.
Според претседателот на Словенија, Борут Пахор, кој е во дводневна посета во земјава, рече дека конференцијата не смее да се одложи зашто тоа може да доведе до инерција на целиот процес кој потоа би траел долго време, а тоа, напомена, ќе ги загрози интересите на Северна Македонија, регионот и на ЕУ.
Пахор по средбата со неговиот домаќин, македонскиот претседател, Стево Пендаровски се обрати и пред пратениците во Собранието кадешто ја повторно пораката.
„Мојата посета тука не е случајна, не е случјано ниту времето на посетата. Го избрав зашто сакам како една од 27-те држави на ЕУ да нагласам дека сега е вистинската прилика да не се одложува Меѓувладината конференција на Северна Македонија со Европската комисија. Разбирам дека некои соседни држави имаат колебања, но сакам отворено и јасно да кажам дека сега е вистинско време за солидарност меѓу членките на ЕУ и за целата дипломатска ветшина да стори сé Меѓувладината конференција да почне без одложување. Словенија сега не го повикува Брисел да направи чекор, туку сум тука, во Скопје, посебно да кажам само за една држава, зашто сé уште важи индивидуалниот пристап“,
рече Пахор.
Тој потенцираше дека и Северна Македонија и Бугарија треба да работат на тоа да најдат заедничко решение.
„Кога блокирате договори станува политички се потешко да се најде компромис. Двете држави да најдат решение што побрзо зашто одложувањето би значело многу тешка задача за наоѓање прифатливи решенија“,
додаде Пахор.
Претседателот Пендаровски, пак, е дециден дека земјава е отворена за компромис со Бугарија.
„Не можам уште сега да кажам каков компромис ќе биде. Тоа е процес што тече. Но, бидете уверени дека сите што сме во некаков капацитет политички на оваа страна, кај нас, во нашата земја, нема да дозволиме тој иден компромис по неколку точки од декларацијата да ги наруши нашите национални и државни интереси. Мислам дека сме на јасно кои се нашите црвени линии, многу пати се и јавно кажувани“,
рече Пендаровски.
Денеска, словенечкиот претседател е во посета на Охрид.