На 31 мај Словенија планира да прогласи крај на епидемијата на коронавирусот, најави денеска премиерот Јанез Јанша пред словенечките пратеници.
Според Јанша, ова нема да се случи единствено ако има неочекувано влошување на ситуацијата, односно ако се појават голем број новозаразени.
„Словенија за точно два месеца успеа да ја совлада епидемијата и моментално има најдобра епидемиолошка слика во Европа, а тоа е услов да прогласиме крај на епидемијата на коронавирусот. Датумот 31 мај е одбран бидејќи тогаш завршува и поддршката предвидена со закон во помош на граѓаните и економијата погодена од глобалната пандемија“,
изјави Јанша.
Премиерот, сепак, кажа и дека опасноста од втор бран е реален и дека земјата влегува во нова фаза во долгата борба со заразата. Јанша потврди и дека по прогласувањето на крај не епидемијата, заштитните превентивни мерки ќе останат.