По 2008 година, парламентарните избори беа предвреме распишувани поради пад на владите и тоа во 2011, 2014 и 2018 година. Од земјите во ЕУ, денеска важни избори се одржуваат и во Франција. Французите бираат помеѓу актуелниот претседател Емануел Макрон и неговата екстремно десничарска ривалка Марин Ле Пен
Во Словенија денеска се одржуваат деветите парламентарни избори од осамостојувањето на државата, на кои учествуваат 20 партии, пет помалку од пред четири години, а 1 464 кандидати се борат за 88 од 90 пратенички места во Државниот збор (Парламентот).
Уште пет кандидати се борат за две места резервирани за припадниците на италијанското и унгарското национално малцинство кои имаат посебни кандидатски листи и по едно загарантирано место во Парламентот.
Според Државната изборна комисија (ДВК), кандидатски листи во сите осум изборни единици поднеле сите парламентарни партии – СДС, ЛМШ, СД, Левица, НСи, САБ, ДеСУС, СНС и движењето Поврзи ја Словенија, чиј дел е и коалициската партија Конкретно.
Листи доставија и некои вонпарламентарни партии и граѓански листи. Во сите изборни единици ќе настапат партиите и листите Движење Слобода, Весна – Зелена партија, Наша земја, Пиратска партија на Словенија, За народот на Словенија, Листата на Борис Попович, Непартиската народна листа на движењето Здраво општество – Ресница и Домовинска лига и За народот на Словенија која ќе излезе со заедничка листа на кандидати со партиите Наша иднина и Добра држава.
Алијансата за ослободување на Словенија поднесе кандидатски листи во седум изборни единици, но не и во Ново место.
За едно место во Националното собрание се борат речиси 17 кандидати (во просек 16,63), а во трка се 80 пратеници од претходниот парламент, премиерот и десет актуелни министри во Владата на Словенија и 13 градоначалници. Најмладиот кандидат има 18, а најстариот 82 години.
При поднесувањето на кандидатските листи партиите мора да ја имаат предвид родовата квота од 35 отсто, а според досега познатите податоци меѓу сите кандидати за 88 пратеници има 649 жени, што е нешто повеќе од 44 отсто.
Денешните парламентарни избори повторно ќе бидат први редовни по 2008 година, бидејќи дури три циклуси парламентарни избори беа предвреме распишани поради пад на владите и тоа во 2011, 2014 и 2018 година.
Од земјите во ЕУ, денеска важни избори се одржуваат и во Франција. Французите бираат помеѓу актуелниот претседател Емануел Макрон и неговата екстремно десничарска ривалка Марин Ле Пен.