Територијалната противпожарна бригада на Град Скопје во текот на новогодишната ноќ имала осум интервенции, кои успешно се завршени.
Од ТППЕ изјавија дека нивните дежурни екипи интервенирале во гаснењето пожари во дуќан, тераса, штала….
Причинета е материјална штета, а само во еден случај има повредено лице кое најверојатно користело пиротехнички средства.
Нивните колеги од Струмица, пак, околу два часот по полноќ гаселе пожар во соба од стан. Повредени нема, но целосно е уништена една од собите на станот.
„Во гаснењето на пожарот, Територијалната противпожарна единица на Струмица учествуваше со четворица пожарникари и едно противпожарно возило и по еден час пожарот е изгаснат и не се прошири во другите соби и соседните станови“, информираат од ТППЕ-Струмица.
Причината за настанувањето на пожарот дополнително ќе се утврдува.
Покрај гаснењето на овој пожар, струмичките пожарникари во новогодишната ноќ интервенирале во гасење на запален балкон од стан во центарот на градот предизвикано од петарди и на запален контејнер.