Изнесувајќи детали за настанот, од Обвинителството посочуваат дека осомничениот 28-годишен скопјанец, на 18 јануари, во семејниот дом во Ново Лисиче, при вршење семејно насилство, со умисла ја лишил од живот својата баба
Дваесет и осумгодишен скопјанец е осомничен дека ја лишил од живот својата баба. Ова денеска го соопштија од Основното јавно обвинителство (ОЈО) Скопје, од каде што информираат дека е покрената истрага за случајот и е определен 30-дневен притвор за осомничениот.
Изнесувајќи детали за настанот, од Обвинителството посочуваат дека осомничениот 28-годишен скопјанец на 18 јануари, во семејниот дом во Ново Лисиче, при вршење семејно насилство, со умисла ја лишил од живот својата баба.
„Според првичните сознанија тој ја нападнал бабата удирајќи ја по главата и вратот, а потоа ја задушил“,
се вели во соопштението од ОЈО Скопје.
Поради постоење опасност осомничениот да се даде во бегство, да влијае врз сведоците и вештаците или да изврши друго убиство, јавниот обвинител до судијата на претходна постапка од Основниот кривичен суд Скопје поднел предлог за определување мерка притвор. Судијата, информираат од ОЈО Скопје, го прифатил предлогот и на осомничениот му определил притвор во траење од 30 дена.